బరువు నియంత్రణకు వెగోవీ® ఇంజెక్షన్ ని:

– BMI 30+ లేదా BMI 27 మరియు డయాబెటిస్, రక్తపోటు, కొలెస్ట్రాల్ వంటి సమస్యలు ఉన్న పెద్దలకు.

– 12 ఏళ్లు పైబడి పిల్లల్లో 95% పర్సెంటైల్ పైగా బరువు ఉన్నవారికి.

– ఊబకాయం/అధిక బరువు ఉన్న పెద్దల్లో గుండె సమస్యల ప్రమాదం తగ్గడానికి.

ఇస్తారు

సెమాగ్లుటైడ్ అనేది GLP-1 హార్మోన్ లాగా పని చేస్తుంది. ఇది ఆకలిని తగ్గిస్తుంది, మెటబాలిజం ను పెంచుతుంది, ఇన్సులిన్ తయారీని పెంచుతుంది. కడుపు ఖాళీ అవడం నెమ్మదిస్తుంది.

అధ్యయనాల్లో వెగోవీ® అద్భుతంగా పని చేసింది:

1961 మంది పెద్దలు, 68 వారాల పాటుగా ఈ మందు వాడగా (సగటు బరువు 232 పౌండ్లు): 15% మేరకు బరువు తగ్గారు (~35 పౌండ్లు), అదే ప్లాసిబో (ఏ మందు లేకుండా) తో 2.5% బరువు తగ్గారు (~6 పౌండ్లు). 83% మంది 5% పైగా, 66% మంది 10% పైగా, 48% మంది 15% పైగా బరువు తగ్గారు; 1/3 మంది 20% పైగా బరువు తగ్గారు.

మందును కొనసాగించిన వారు 68 వారాలు వరకు బరువు తగ్గుతూనే ఉన్నారు (అదే ప్లాసిబోలో బరువు పెరిగారు); 2 ఏళ్ల అధ్యయనంలో 15% తగ్గిన బరువు అలాగే కొనసాగింది.

12-17 ఏళ్ల పిల్లలు వెగోవీ® తో 16.1% బరువు తగ్గారు (అదే ప్లాసిబో వాడిన పిల్లలు 0.6% బరువు పెరిగారు).

వెగోవీ® ఇంజెక్షన్ చర్మం కింద వారానికి ఒక్కసారి తీసుకోవాలి.

1 నుంచి 4వ వారం వరకు: 0.25 mg

5 నుంచి 8వ వారం వరకు: 0.5 mg

9 నుంచి 12వ వారం వరకు: 1 mg

13 నుంచి 16వ వారం వరకు: 1.7 mg

17వ వారం నుంచి: 2.4 mg

ఇంజెక్షన్ సరిగ్గా ఎలా తీసుకోవాలో మీ డాక్టరు దగ్గర తెలుసుకోవాలి. చర్మం సమస్యలు రాకుండా ఉండడానికి ఇంజెక్షన్ తీసుకునే చోటును మారుస్తూ ఉండాలి.

వెగోవీ® పెన్‌లు ఫ్రిజ్‌లో 2°C నుంచి 8°C వరకు ఉంచాలి. గది ఉష్ణోగ్రత వద్ద (30°C వరకు) 28 రోజులు ఉంచవచ్చు.

వెగోవీ® ఇంజెక్షన్ తో సాధారణంగా వచ్చేవి:

వికారం

విరేచనాలు

వాంతులు

మలబద్ధకం

కడుపు నొప్పి

కడుపు ఉబ్బరం

బలహీనత

తలనొప్పి

మొదటి సారి మరియూ మోతాదు పెంచిన సమయంలో ఈ సమస్యలు  వచ్చే అవకాశం ఎక్కువ.తర్వాత తగ్గిపోతాయి.

తీవ్రమైన సమస్యలు చాలా అరుదుగా వస్తాయి.

– థైరాయిడ్ క్యాన్సర్: థైరాయిడ్ క్యాన్సర్ ఫ్యామిలీ హిస్టరీ ఉంటే వాడకూడదు.

– ప్యాంక్రీయాస్ సమస్య (ప్యాంక్రీయాటైటిస్): కడుపు నొప్పి మరియూ వాంతులు, ఇతర ప్యాంక్రీయాటైటిస్ లక్షణాలు వస్తే ఇంజెక్షన్ ఆపాలి.

– షుగర్ లెవల్స్ పడిపోవడం.

– పిత్తాశయం లో రాళ్లు..

– కళ్లు మసకబారడం/శాశ్వతంగా అంథకారం

– కిడ్నీలు చెడిపోవడం

– కడుపు నెమ్మదిగా ఖాళీ అయ్యే అవకాశం కారణంగా ఊపిరితిత్తులలో నెమ్ముచేరడం (ఆస్పిరేషన్ న్యుమోనియా): దీనిని నివారించడానికి ఏదైన సర్జరీ ప్లాన్ చేస్తుంటే 2 నెలలు ముందు ఈ ఇంజెక్షన్ ని ఆపాలి.

– మహిళలు పిల్లలను కనడానికి ప్లాన్ చేసే 2 నెలలు ముందు ఈ ఇంజెక్షన్ ని ఆపాలి.

– తీవ్రమైన అలర్జీలు: తీవ్రమైన రియాక్షన్ వస్తే వెంటనే ఆపి డాక్టర్ వద్దకి వెళ్లాలి.

వెగోవీ® ఇంజెక్షన్ స్థూలకాయ సమస్యతో బాధ పడుతున్న వారిలో బరువును తగ్గించడానికి ఉపయోగించే మందు. వారానికి ఒక ఇంజెక్షన్ తీసుకోవాలి

వెగోవీ® ఇంజెక్షన్ మీకు సరైనదో ‌కాదో మీ డాక్టర్ ని సంప్రదించి డాక్టర్ సలహా మేరకు తీసుకోండి.

డా. అమర్ వెన్నపూస, హైదరాబాద్‌లోని డా. అమర్ బేరియాట్రిక్ & మెటబాలిక్ సెంటర్ డైరెక్టర్, ప్రసిద్ధ బేరియాట్రిక్ సర్జన్. ఇక్కడ ఊబకాయ సమస్యకు  వెగోవీ®, డయాబెటిస్‌ సమస్యకు ఒజంపిక్® మందులతో పాటు అవసరాన్ని బట్టి జీవనశైలిలో మార్పులు, మందులు, మరియు బేరియాట్రిక్ సర్జరీల వంటి చికిత్సలు అందుబాటులో ఉన్నాయి.